Со цел обезбедување на здравствени услуги на товар на Фондот за здравствено осигурување на Македонија за осигурениците, Фондот објавува ПОВИК до сите здравствени установи за потпишување на договори и анекс на договори за периодот од 01.04.2012 до 31.12.2012 година.
ЗДРАВСТВЕНИ УСТАНОВИ КОИ ИМААТ СКЛУЧЕНО ДОГОВОР СО ФОНДОТ ЗА 2011/2012 ГОДИНА
Сите здравствени установи кои имаат склучено договор со Фондот за периодот од 01.04.2011 до 31.03.2012 година, доколку се заинтересирани и ги исполнуваат условите ќе добијат Анекс на договор за периодот од 01.04.2012 до 31.12.2012 година.
Овие здравствените установи НЕ ТРЕБА ДА ДОСТАВУВААТ НОВА ПОНУДА ЗА СКЛУЧУВАЊЕ НА ДОГОВОР, туку само следната документација:
А) Здравствени установи од примарна здравствена заштита (општа медицина, гинекологија, стоматологија и аптеки) – Известување дека се согласни за склучување на анекс договор.
Б) Здравствените установи кои вршат специјалистичко – консултативни и/или болнички здравствена заштита – Известување дека се согласни за склучување на анекс договор и план по вид и обем од Април до Декември 2012 година.
За здравствените установи аптеки и здравствени установи кои што пружаат специјалистичко – консултативна и/или болничка здравствена заштита кои извршиле зголемување на тимовите, отворање на нови работни единици или имаат дозвола за работа од Министерството за здравство за вршење на нова дејност која не е вклучена во тековниот договор со Фондот, со цел добивање на проширен анекс на договор за периодот Април – Декември 2012 потребно е да достават Барање за проширување и понуда за новите активности.
ЗДРАВСТВЕНИ УСТАНОВИ КОИ НЕМААТ СКЛУЧЕНО ДОГОВОР СО ФОНДОТ ЗА 2011/2012 ГОДИНА
За сите заинтересирани даватели на здравствени услуги, КОИ НЕМААТ СКЛУЧЕНО ДОГОВОР за пружање на здравствени услуги на товар на средствата на Фондот за 2011/2012 година, можат да достават Понуда до Фондот за склучување на договори за период од 1 април до 31 декември 2012 година за следните дејности:
1. Примарна здравствена заштита
2. Специјалистичко – консултативна здравствена заштита и/или болничка здравствена заштита
3. Изработка и издавање на ортопедски и други помагала
Сите договори ќе се склучуваат еднаш годишно, за период од 1 април до 31 декември, 2012 година, освен договорите со здравствени установи од примарна здравствена заштита и тоа општа медицина, гинекологија и општа стоматологија, со кои Фондот ќе склучува договори во текот на целата 2012 година.
РОК ЗА ДОСТАВУВАЊЕ НА ДОКУМЕНТИ
Документите потребни за склучување на договор/анекс потребно е да се достават најдоцна до 30.12.2011 година, и тоа до подрачните служби на Фондот за здравствените установи од примарна здравствена заштита, а за аптеките и здравствените установи од специјалистичко – консултативна и/или болничка здравствена заштита до централата на Фондот, во писмена форма, како и во електронска на планот на вид и обем на услуги.
Понудите кои ќе се доставуваат по 30.12.2011 година, Фондот нема да ги прифати во постапка за склучување на договор. По исклучок понуди за склучување на договор може да поднесуваат во текот на годината здравствените установи од болничка здравствена заштита кои нудат здравствени услуги што не се вршат и се дефицитарни во јавните здравствени установи.
Теркот на Известувањето, Планот на вид и обем на услуги, Барање за проширување на договорот и Понудата со потребната документација за склучување на нови договори се објавени на веб страницата на Фондот во делот Даватели на здравствени услуги – ДОГОВОРИ 2012.
Контакти:
Правен сектор – информации во врска со документацијата за договорите:
02/3289-031 и 02/3289-019
e-mail: borjanas@fzo.org.mk, janaa@fzo.org.mk, mitkom@fzo.org.mk, aleksandar@fzo.org.mk, cvetankaa@fzo.org.mk, danielaj@fzo.org.mk
Сектор финансии – информации во врска со план на вид и обем на здравствени услуги и деловен план:
02/3289-025
e-mail за електронско доставување на документација: brankicak@fzo.org.mk, marijap@fzo.org.mk