Скопје,1.7.2025 година
Нови мерки на Фондот за здравствено осигурување во интерес на осигурениците !
Достапност на онколошка терапија во аптеките:
-Двата онколошки лека Letrozole и Anastrozole за рак на дојка, кои ги користат над 2.500 пациентки, отсега се достапни со рецепт во сите аптеки,
– наместо долг и оптоварувачки процес на Клиниката за онкологија – лековите ќе се подигнуваат во најблиската аптека.
Поголема флексибилност за медицинска рехабилитација:
-Осигурениците со хронични заболувања (мултипла склероза, церебрална парализа, хемофилија и сл.) ќе можат да ја користат рехабилитацијата во рок од 6 месеци, наместо досегашните 2,
– Мерката е без дополнителни трошоци и значајно го олеснува пристапот до услугата.
Промени во Правилникот за ортопедски помагала
Со цел поголем опфат и подобар квалитет на живот:
– Нови дијагнози со право на инвалидска количка,
– ново ортопедско помагало – хидрауличен зглоб за колк,
– подобрена достапност на перничиња, протези и ортодонтски апарати за деца.
Овие измени се резултат на активна соработка со пациентски и професионални здруженија, со јасна цел – подобра и подостапна здравствена заштита за сите осигурени лица.
